•
2014
აღწერა 2024
2024 წლის 14 ნოემბრიდან 19 დეკემბრის ჩათვლით საქართველოში მოსახლეობის და სასოფლო-სამეურნეო აღწერა ტარდება.
2024
თვითრეგისტრაციის დასრულებამდე დარჩა
0 :
დღე
00 :
საათი
00 :
წუთი
00
წამი
•
•
2002
•
1989
•
1979
•
1970
•
1959
•
1939
•
1926
•
1897
2024 წლის აღწერის მიზნები და ამოცანები
აღწერის ფარგლებში შეგროვდება მონაცემები მოსახლეობის რიცხოვნობისა და სქესობრივ-ასაკობრივი შემადგენლობის შესახებ, სხვადასხვა დემოგრაფიული და სოციალურ-ეკონომიკური მახასიათებლების მიხედვით.
აღწერის ფარგლებში ასევე შეგროვდება ინფორმაცია, შინამეურნეობების სასოფლო-სამეურნეო აქტივობის შესახებ - მიწის სტრუქტურის, მრავალწლიანი ნარგავების და ვაზის ჯიშთა რაოდენობის, პირუტყვისა და ფრინველის სულადობის, ფუტკრის ოჯახების რაოდენობისა და სხვა მნიშვნელოვანი საკითხების შესახებ.
აღწერის შედეგად ხელმისაწვდომი იქნება უახლესი მონაცემები თვითმმართველი ერთეულებისა და დასახლებების დონეზე.
აღწერები ტარდება ქვეყნის განვითარებისთვის, გეგმებისა და პროგრამების განხორციელების ხელშესაწყობად. აღწერა ასევე წარმოადგენს მნიშვნელოვან წყაროს გაეროს მდგრადი განვითარების 2030 წლის მიზნების განხორციელების შესაფასებლად.
სამართლებრივი საფუძვლები
საქსტატის მიერ აღწერის ფარგლებში შეგროვებული მონაცემები კონფიდენციალურია, არ ექვემდებარება მესამე პირზე გადაცემას, გამოიყენება მხოლოდ სტატისტიკური მიზნებისთვის და ვრცელდება აგრეგირებული სახით („ოფიციალური სტატისტიკის შესახებ“ კანონის 34-ე მუხლი).
კანონი „ოფიციალური სტატისტიკის შესახებ“
საქსტატის დებულება
კანონი „პერსონალურ მონაცემთა დაცვის შესახებ“
აღწერა 2024-ის პროგრამა
ვინ ექვემდებარება აღწერას?
აღწერას ექვემდებარება:
საქართველოს მოქალაქე (მათ შორის ქვეყანაში დროებით არ მყოფი პირი)- საქართველოს ტერიტორიაზე მყოფი უცხო ქვეყნის მოქალაქე (მიუხედავად ქვეყანაში ყოფნის ხანგრძლივობისა)
- საქართველოში მყოფი მოქალაქეობის არმქონე პირი
აღწერას არ ექვემდებარება:
დიპლომატიური იმუნიტეტის მქონე უცხო ქვეყნის მოქალაქე და მისი ოჯახის წევრები- უცხო ქვეყნის სამხედრო მოსამსახურე და მისი ოჯახის წევრები
აღწერის ჩატარებაზე პასუხისმგებელი ორგანო
მოსახლეობის და სასოფლო-სამეურნეო აღწერის ჩატარებაზე პასუხისმგებელია საქართველოს სტატისტიკის ეროვნული სამსახური (საქსტატი), რომელიც თავის საქმიანობას ახორციელებს დამოუკიდებლად, საერთაშორისო სტანდარტებისა და საერთაშორისოდ აღიარებული საუკეთესო პრაქტიკის შესაბამისად.
აღწერა ძნელად მისადგომ დასახლებებში
ზოგიერთ მთიან და ძნელად მისადგომ ადმინისტრაციულ ერთეულში, ამინდის შესაძლო გაუარესებისა და რთული მეტეოროლოგიური პირობების გამო, აღწერა ჩატარდა 2024 წლის 18 სექტემბრიდან 8 ოქტომბრის პერიოდში.
- მესტია
- ყაზბეგი
- ლენტეხი
- ახმეტა
- დუშეთი
მესტიის მუნიციპალიტეტი
მონაცემთა შეგროვების მეთოდები
2024 წლის აღწერის ფარგლებში მონაცემთა შეგროვება დაგეგმილია ორი მეთოდით:
კომპიუტერის დახმარებით - პერსონალური ინტერვიუს მეთოდი (CAPI)
CAPI მეთოდით მონაცემები გროვდება კარდაკარის პრინციპით, პირისპირ ინტერვიუს დროს, პლანშეტური კომპიუტერის მეშვეობით. ინტერვიუს დამთავრების შემდეგ მონაცემები პირდაპირ გადაეცემა ცენტრალურ კომპიუტერულ ქსელს ინტერნეტით ან მონაცემთა გადაცემის სხვა არხებით.
კომპიუტერის დახმარებით - ვებ-ინტერვიუს მეთოდი (CAWI)
CAWI წარმოადგენს მონაცემთა შეგროვების მეთოდს, როდესაც რესპონდენტები დამოუკიდებლად, აღმწერების გარეშე, კომპიუტერის მეშვეობით, სტანდარტული ინტერნეტ ბრაუზერის გამოყენებით, ელექტრონულად ავსებენ კითხვარებს.
